"كان"
أكره هذا الفعل، بل أكره أخواته أيضًا، ليس لأنني كنت أكره النحو، "أبسولوتلي" .. بل كنت من عشاقه
لكنني أكرهها لأنها ماضي، وأنا أكره أي ماضي تعيسًا كان أو سعيدًا، وللدقة أكرهه أكثر حينما يكون سعيدًا لأنه لم يعد سوى "ذكرى"، "كان" تعني أن الشيء الذي نتحدث عنه قد مات بشكل أو بآخر، تذكرنا بعجزنا لأننا غير قادرين على استعادة اللحظة، فتأخذنا بدورها للندم على ما كان ينبغي فعله ولم نستطع، أو تأخذنا إلى الألم حيث ما "كان" يسعدنا قد انتهى ..
لكننا إن استسلمنا لهذه الـ "كان" ياعزيزي سننسى أمر "الآن"، وستسيطر علينا حتى يصبح "الآن" هو "كان" بدوره، ستسرق عمرنا لتجعلنا لا نفكر سوى بها
لذا ...
عزيزتي الـ "كان" .. كنت أحبك قديمًا حينما "كان" دورك يقتصر فقط على رفع المبتدأ ونصب الخبر، ولم يختلط علي أمرك كما فعل الكثير معك وتشتت بينك وبين غريمتك "إن"ـ أريدك أن تتذكري هذاـ لكن اليوم فلتغربي عن وجهي رجاءً ولتذهبي إلى الجحيم لأنني لست مبتدءًا أو خبرًا لتتصرفين فيه كيفما تشائين !
هناك 9 تعليقات:
الماضى جذء من حياتنا يا دودو
بعضنا يفتخر به
والبعض يتعلم منه
والبعض يستسلم له
البعض يحبه
والبعض يكرهه
البعض يجتر ماضيه
والبعض يهرب منه
لكل موقفه من ماضيه .....يختلفون فى مواقفهم تجاهه ولكن الذى يشترك فيه الجميع ان الماضى هو من شكل حياتهم فكانوا هم ما هم عليه من سعاده واو نجاح او شقاء او فشل
فالماضى هو ما نحن عليه يا دودو
اتمنى ان اقرأ فى كتاباتك صوت البهجه قريبا
دعاء
سلام الله عليك ورحمته وبركاته :)
إسمعي دي الأول :)
https://soundcloud.com/hazem-omara/vxpijgeaobzl?in=mohamed-a-talaat/sets/obexq8sk4bxc
سمعتيها ؟؟؟ تمام ؟ الحالة بقت تمام وطاقتك إيجابية وكويسة ؟؟؟
نيجي للتعليق بقي :)
نقطة الماضي والذكري
بما إني صاحب خبرة فى النقطة دي لأني ياما فات عليا ناس وخسرت ناس ومشيت من حياة شخصيات وإنسحبت من حياة البعض و ضاع مني أشياء مني أنا وأشياء من حياتي عالمستوي الشخصي وقيم كتير حسيت إن الناس مش فهماها وبتضيعني بسببها فدعيني أكتب لك تعليق يليق بالبوست
كان يكون سيكون
الماضي بكل ما فيه
هوا كان يوم
كان موقف
كان حبيب
كان صديق
كان شجرة بحبها
كان مكان بموت فيه
كان وظيفة
كان حالة
كان حلو
كان وحش
يابن آدم ما أنت إلا أيام فإن ذهبت أيامك وقع منك بعضك
يعني البني آدم دا ما هوا إلا شوية أيام :)
يعني ببساطة شديدة فات حاجات كنت بحبها
وقع مني شوية من عمري
وقع شوية مني وراحوا ومش راجعين تاني
هل دا سبب لأني أضيع اللى جاي ؟؟؟
هل دا سبب لأني أتوجع وأبكي وأتحسر عاللى فات مهما كان جماله ؟؟؟
***
دعيني أتدخل بنقطة فى النص كدا
الإيمان بالله بإن الله سبحانه وتعالي مرتب لنا حياتنا وبيهدينا للصح طول ما إحنا بنحاول نرضيه بكل شكل مش مجرد بنكدب علي نفسنا او عالناس ساعتها ربنا هيعوض لنا اللى مات مننا دا ويعوضنا بلحظات قيمتها سنين :)
بالظبط كدا والله :)
فخلي عندك إيمان بالله وإتمسكي بمبادئك واللى كان كان ومش فارق لأن ربنا موجود وأنا مازلت حي ورزقى فى الحياة سواء صحاب او حب او شغل جاي لي جاي لي :)
***
نكمل بعد النقطة اللى فى النص بقى
دلوقتى سواء اللى فات كان وحش وأسود أوي وساب علامات جوايا
ما هوا اصلا قواني قدام غلطات اكبر او ببساطة خلانى اعرف فين الغلط ومعملوش وبعد كدا لو حصل وجه قدامى الغلط فأنا ربنا هيجازيني خير لمجرد ابتعادي عنه لانى ببساطة دقت طعم الغلط ومقرر معملوش وبقاوم نفسي والظروف
وبعدين السواد اللى فات او الوحش ببساطة هوا اللى ساعد فى تكويني وبنائي
فى حكمة بتقولك الضربة اللى مش بتموتني بتقويني
يعني كل وقت وحش فات ما هوا الا زيادة فى رصيد قوتي وطاقة احتمالي
:)
الماضي زمن عشناه واتعلمنا منه وقوانا وساعد فى تكويننا
ولو بقى كان حاجات حلوة فببساطة برده ايامي مراحتش هدر وعرفت ازاى اعيش مبسوط
ولو الحلو ضاع مني فأكيد لان ربنا كاتب لى الخير فى اللى احلي منه
ولو الحلو دا ضاع برده فأكيد أنا عرفت قيمته عشان ربنا بيخليني امر بستين مرحلة عشان لما يخليني اقابل حد كويس بجد احافظ عليه
اتعلم ازاى احارب واكافح مع الناس الصح وازاى احافظ عليهم ومبقاش بحارب او بكافح فى اتجاه غلط ممنوش فايدة ولا فيه اى حاجة تستاهل
فهمتيني ؟
الموضوع كبير
بس محتاج تهدي كدا وتغيري وجهة نظرك للماضي
وتفتكري كويس أوي إنك إنسانة مؤمنة وواثقة ان ربنا كاتب لنا الخير حيث كان :)
تمام :)
كوني بخير يا عزيزتي إلي التعليق القادم وإلي زيارة قادمة وعن قريب
ممكن تكتبي حاجة حلوة بقى المرة الجاية ؟؟؟
مشاركة وجدانية منك فى حالة الفرح اللى بمر بيها بانك تكتبي حاجة حلوة بجد
بس كدهون :)
كوني بخير وربنا يجعلك دايما يارب مبسوطة وبخير
كان هنا بين السطور
الكونت دي مونت فقري :P
اتعرفين كم مرة كنتُ هنا لأرد ؟؟
أنا أحب الـ(كان)، أو أغلبه إن احترينا الدقة ^_^
الكان جميل والحاضر جميل وغدا جميل ايضاً،
نحن نرى الماضي جميل لأننا لم نعد نشعر بلحظاته المؤلمة، لأننا نركز على الإنجازات والسعادة ونتجاهل التعاسة أو نراها كانت عاديّة ...
غداً سيكون اليوم ... وسنرى السعادة فقط أيضاً، أو نحمد الله عز وجل على انتهاء التعاسة ...
هكذا هي الحياة، كعجينة تغيّر اشكالها ونحن نرى الشكل حسب خيالنا وارادتنا، فما نراه حزن وألم يراه غيرنا فرح ورحمة ... وهكذا!
لنجعل الكان جمال يسعدنا عند الحزن، وفرحاً يشاركنا الفرح، فنكون أقوى !
تقبلي مروري
ازيكي أولاً ومنورة :)
"ولكن الذى يشترك فيه الجميع ان الماضى هو من شكل حياتهم فكانوا هم ما هم عليه من سعاده واو نجاح او شقاء او فشل"
تؤ مش دايمًا الماضي بيشكل حياتنا هو جزء منها لكن مش بيشكلها إلا لو إحنا سمحناله يشكلها بإننا نعيش جواه وننسى النهاردة
وحشاني :)
وعليكم السلام ورحمة الله وبركاته :)
أنا كويسة جدًا :) .. الفكرة كلها إني كارهه العيش جوا الماضي .. كارهه الصندوق اللي بنحبس نفسنا جواه ..
"يابن آدم ما أنت إلا أيام فإن ذهبت أيامك وقع منك بعضك"
تمام جدًا طبعًا .. عشان كده مش لازم نوقع مننا أيام عشان أيام خلصت خلاص .. الماضي حلو أو وحش هو ماضي مهما حاولنا استرجاعه .. عشان كده المهم توداي :)
نسيت أقولك ميرسي على الميوزك وإنك منور :) :)
زينب علي ..
كلامك جميل يازيزي :)
"نحن نرى الماضي جميل لأننا لم نعد نشعر بلحظاته المؤلمة"
ده اللي بيحصل لما نتخطى الماضي مش واحنا عايشين جواه .. طول مااحنا عايشين جواه طول مااحنا مش هنشوف الصورة كاملة، لازم نتخطاه عشان نقدر نشوف بحق وحقيق :)
منوراني :) :)
عزيزتي دعاء
الرائعة دوما :)
طز فى اللى فات
اطلعي بره الصندوق
الموضوع سهل بس له كام مفتاح
ياريت كان ينفع أقولهملك :D
إكتبي حاجة حلوة بقي فى المرة اللى جاية
عشان أكتب تعليق حلو كدا :)
وإنك أيضاً لمنورة بكتاباتك :)
شاب فقري
كريم :)
الحمد لله طلعت خلاص وبدأت أشوف الصندوق بكل تفاصيله اللي مش كنت شايفاها وأنا جواه :)
بالنسبة للحاجة الحلوة .. ماهو أنا مش أعرف إيه الحلو من وجهة نظر سيادتكم :D :D
تاني حاجة بقى ... أنا بكتب وفقًا للحالة المزاجية :) :)
في انتظار تعليقاتك دومًا ^ـــ^
إرسال تعليق