بحب سورة "عَبَسَ" أوي .. بحس قد إيه ربنا أكتر حد بيحس بينا .. وأكتر حد عارف إيه اللي جوانا .. عارف مقدار إخلاصنا فبيجازينا عليه .. وكمان بيعجبني جدًا العتاب الرقيق من ربنا لسيدنا محمد
وبحب سورة "الضحى" ... دايمًا بسميها "طبطبة"
بحس ربنا بيطبطب علينا فيها .. لما الدنيا بتضيق عليا أوي بقولها وبرددها "ما ودعك ربك وما قلى"
وبعدها بفتكر كل اللي مريت بيه قبل كده وربنا خرجني منه ووقف جنبي ورجعلي إيماني بنفسي في وقت كان ممكن أفقد فيه إيماني بكل حاجة، بفتكر كل النعم اللي ربنا منحهالي، وكل اللي ربنا اخده مني عشان يعوضني بحاجة أحسن .. ساعتها بقرا سورة "الشرح" وأنا عندي يقين إن زي كل ماللي فات مر وعدى بسلام .. ده كمان هيعدي " فإن مع العسر يسرا إن مع العسر يسرا"
ربنا .. أنا بحبك .. بحبك عشان حاجات كتيرة أوي .. وعشان إنت دايمًا هنا وموجود
بحبك رغم إني مقصرة .. ومقصرة جدًا بس دايمًا عارفة إنك بتسامحني لأنك ربنا ولأننا بشر :)
آه ياربنا كمان نسيت أقولك شكرًا على النهاردة .. من زمان مش عشت يوم كده <3 <3
هناك 16 تعليقًا:
أجمل رسالة شكر قرأتها بجد :)
أنا بحب أوي سورة "آل عمران" في كل آية فيها وخصوصاً "ربنا لاتزغ فلوبنا بعد إذ هديتنا وهب لنا من لدنك رحمة إنك أنت الوهاب"
ورحمة ربنا في سورة البقرة "
"ربنا ظلمن أنفسنا وإن لم تغفر لنا وترحمنا لنكونن من الخاسرين فغفر له..."
وبغوص في سورة "يوسف" بحسه أكتر انسان اتظلم وقد ايه ربنا كان واقف معاه دايما ونصفه في النهاية أمام الجميع.
" وشروه بثمن بخس دراهم معدودة وكانوا فيه من الزاهدين"
وبعيش مع سورة "مريم" "أنى يكون لي غلام ولم يمسسني بشر ولم أك بغيا"
وببتسم مع سورة الضحى "ولسوف يعطيك ربك فترضى"
وبدمع مع سورة "يس"
"قال ياليت قومي يعلمون بما غفر لي ربي وجعلني من المكرمين"
وتتسع ابتسامتي في سورة الصافات "مبشراً برسول يأتي من بعدي اسمه أحمد "
وغيرهم كتير ولكن هذا ما سعفتني به ذاكرتي الآن :)
ياااه يا دعاء ما أجملها الحياة مع كلمات الله
تسلمي بجد ♥
ربنا يوفقك ويعينك ويرضيكي ويرضي عليكي
ودي من نوعية البوستات اللى مش بعلق عليها وبكتفي بالدعاء و تسجيل الحضور والجري جري :)
فقري :)
اليوم كل شوية تطلعلي سورة من القرآن الكريم ...
أولها هنا مع سورة عبس والضحى والشرح، وبعدها في الفيس مع سورة يوسف وآثار الراحة النفسية اللي تدينا ياها ...
أتاري ربنا عز وجل بيناديني وانا اللي مش واخدة بالي ...
الحمد لله رب العالمين على كل النعم اللي بتحيطنا بيها حاسين بيها او مش حاسين ...
ربنا يزيدك فرح وشكر وإيمان إن شاء الله، أسعدني مروري هنا بجد ^_^
يااااه اد ايه البوست ده جاي ف وقته اوي وكأن ربنا سبحانه و تعالى جعلك سبب ف رسم ابتسامة على وشي و تنهيدة كبيرة اقول بعدها الحمدلله ياارب العملين على رحمتك التي وسعت كل شئ الحمدلله
شكرا ليكي على البوست ده :)
تحياتي
انا كمان بحب سورة عبس على فكرة :)
كمان بحب سورة يوسف
انتى كلامك ليه بقاله كتير كده بيجى فى وقته ;)
ربنا يفرح قلبك كمان وكمان ويقربه منه يارب..
فعلا ان مع العسر يسر
ربنا سبحانه وتعالي يعفو عنا ويرحمنا ويقربنا منه اكتر
تحياتي وربنا يجعله في ميزان حسناتك
http://www.facebook.com/pages/%D8%A7%D9%84%D9%82%D9%84%D9%88%D8%A8-%D8%A7%D9%84%D9%85%D8%AD%D8%AA%D8%B1%D9%82%D8%A9/593086947391079
يسعدني مرورك ورايك في البيدج دا
تحياتي
موني ..
:) :)
فيه آيات كتيرة أوي ذكرتيها بعشقها .. ده بالإضافة إلى أن سورة مريم محببة جدًا لقلبي
انتي جميلة ياموني :)
كريم ..
كفاية أوي الدعواية الحلوة دي .. وكفاية حضورك :)
زينب ..
"أتاري ربنا عز وجل بيناديني وانا اللي مش واخدة بالي ..."
طب حلو إن كنت سبب رسالة كونية ليكي .. افهمي الرسالة بقى واعملي بيها :)
أهلاً بيكي يازيزي .. ومنورة :)
أفكار مبعثرة ..
ربنا يجعلني سبب دايمًا في رسم الابتسامة يارب :)
منورة جدًا ^ــ^
ريماس ..
أصلاً أصلاً يانوري أنا بقرأ أفكارك :)
منوراني بقى وكدهون 3> 3>
نيللي ..
ربنا يخليكي يانيللي يارب ..
منوراني كالعادة ^ــــ^
سندباد ..
أولاً منور :)
ربنا دايمًا أقربلنا حتى من نفسنا، وحتى وسط العسر ده بيكون يسر
دمت بخير ودام وجودك :)
جميلة جدًا البيدج بجد .. عملتلها لايك وهتابعها دايمًا .. شكرًا :) :)
إرسال تعليق