ذات مومنت ....
لما تقرر تبعد مش عشان تبعد عشان تقول للي بعدت عنه "مش تسيبني"
لما تقول " أنا هبعد" وبشويششششششش وبصوت مش مسموع تقول "مش قادر"
لما تقول أنا قوي وهقدر أكمل لوحدي وفي سرك بتقول "محتاجلك"
لما تضحك عشان ما "تبكيش"
وذات مومنت لما اللي بعدت عنه يفهم كل ده...... ويقولك مهما تبعد مش هسيبك :)
ــــــــــــــــــــــــــــــــــــــــــــــــــــــــــــــــ
لا شيء ينجح في رسم ابتسامتها هذه سوى ... وقع كلماته
لذا كلما احتاجت لوقود للحياة .. قلبت في أوراقها وأخرجت رسائله .. هكذا فقط تعود ابتسامتها :)
ــــــــــــــــــــــــــــــــــــــــــــــــــــ
هناك كلمات تُكتب لتُنسى ...
نكتبها ثم نفكر في أبعد مكان يمكننا تخبئتها فيه ليس عن أعين أحد سوى عن أعيننا نحن ... كي لا نعثر عليها مرة ثانية أو نتذكرها ..
كأسئلة ... لا نريد لها إجابات فقط نسألها وحسب نريد لها أن تبقى فقط أسئلة.....
لأننا أجبن من الإجابة .. أجبن من الكلمات .. ولأننا نخشى المواجهة ......
هناك 7 تعليقات:
أعلق بقي
انا بقالى فترة مش بشوف الملسل اللى منه الصورة الاولي لانى عايزه يكون فى بتاع عشرة او اتناشر حلقة واشوفهم سوا :D
وانتى هتخليني اروح ادور عليه واشوفه فين :D
كنت بشوف نفسي احيانا فى شخصية دامون
لانه قاتل ماكر او شر وخير فى نفس اللحظة
قوي وضعيف برده فى نفس اللحظة
اروع كلمة سمعتها فى حياتي انتى ذكرتيها فى المقطع الاول (( مش هسيبك ))
يمكن اروع احساس فى الوجود التمسك دا
برغم كل شىء بيكون هوا الاروع
====
اما عن الجزء الثاني
وقع الكلمات
يمكن كلمة من سنة او اكتر هي اللى بتخلينا نواصل
لحظة بنفتكرها
رسالة او وقفة فى الشارع او فى الجامعة او حتي فى اتوبيس هي اللى بتقولنا اثبت مكانك واوعي تسيب
حاجة زي كدا هي اللى بتخلينا احيانا نكدب كل اللى حوالينا
وتمنحنا وقود الحياة
ويمكن البلسم لمعالجة وجع الحياة
اللى كان بيتكلم عنه درويش
====
جيتي للنقطة الأهم
أنا من اكتر الناس اللى بتحب تواجه
المواجهة ممكن تخسرنا كتير
لكنها بتوفر علينا اكتر
وبتخلينا نعرف رايحين فين او هنعمل ايه
او اللى فات دا كله كان ايه
دا هوا الاهم والاحلي والاروع
لكن المواجهة بتخلينا نقف فى وش الحقيقة
اللي بقيت بشوفها دايما وجع لا ينتهي
بيتهيألي الحقيقة برده بتساعدنا نكمل فى طريقنا سواء فى التمسك او فى الرحيل
ويمكن بتورينا تناقضات فى الاخر
وتخلينا نفهمها ونقدر نستحملها
والحمد لله اننا بنقدر نعيش بيها
بس خلاص
:)
كوني بخير إلي التعليق القادم والزيارة القادمة
كريم
شاب فقري
ملحوظة : صورة الزجاجة اللى فيها رسالة وموضوعة علي سكر وتحتها جوابات دي مشكلة :)
لانى من عشاق السكر وعشاق الكلمات اللى بنقراها بعدين او المواقف اللى بنفتكرها لاحقا والحاجات اللى مش بتتنسي :)
شاب فقري
أرد بقى :D
دامون ده أنا أول ماشوفت المسلسل كنت بتضايق منه وإذ فجأة ومع الوقت أصبح من أكتر الشخصيات اللي بتعجبني لأن في صفة نادرة جدًا في نظري إن اللي جواه أحسن من اللي براه ، مش بيحب يظهر إنه خير فبيظهر الشر رغم إن جواه خير كبير، الشخصية دي عندي أفضل من الشخصيات اللي بتظهر إنها كويسة رغم إن جواها بشع
من غير ماتدور على المسلسل اللينك آهون أنا مش عارفة إنت شوفت ايه ومش شوفت ايه بس ده الـ 4 مواسم
http://www.tvegy.com/vb/forumdisplay.php?f=76
ــــــــــــــــ
يمكن اروع احساس فى الوجود التمسك دا
صح :)
ــــــــــــ
الذكريات دي هي اللي بتدي لحياتنا طعم عشان نكمل بنحتاج نرجع لكلمة تفكرنا بنفسنا وبناس كانوا فعلاً بلسم الحياة :)
ــــــــــــ
الحقيقة فعلاً بتوجع لكن شر لابد منه عشان من غيرها هنفضل ندور حوالين نفسنا كتير، الهروب مسكن بس لما تزور آثار هنتعب أوي ويمكن نندم على عمر ضيعناه عشان نسكن ألم كان ممكن نستأصله
ــــــ
منورني كالعادة :)
شاب فقري ..
بالنسبة للصورة .. سعيدة إنها عجبتك اتفضلها بقى وعلى فكرة في صور بتكون إلهام لكلمات وفي صور بتكون مش قادر حتى توصف إحساسك بيها :)
مش تقلقي
أنا بعمل داونلود من الموقع دا من سنين
ولقيت مواقع أجنبيه تانية بعمل منها داونلود ومشاهدة اونلاين
بلاقي هناك كل الداتا اللى عايزها
http://www.1channel.ch
http://www.cokeandpopcorn.ch
دول بقى افلام ومسلسلات غير مترجمة
الترجمة هنا
http://subscene.com
النهارده ويمكن لسه من ساعتين خلصت جرايز اناتومي الموسم الأخير أخر ست حلقات لأني كنت راكنهم لوقت أحتاجهم فيه زي النهارده كدا
الواحد بيحاول يححوش الحاجات الحلوة للأيام اللى يحتاجها بجد فيها
وياريت دا بينفع فى كل حاجة
ياريت ...
====
الهروب مسكن بس لما تزور آثار هنتعب أوي ويمكن نندم على عمر ضيعناه عشان نسكن ألم كان ممكن نستأصله
====
يمكن من كتر ما واجهت الواقع او الحقايق او واجهت ناس بقيت بستغرب ازاى ممكن حد يهرب ومش يريح اعصابه ويواجه علي طول
:(
أكيد فى حاجات حلوة جاية
إيماني قوي أوي فى النقطة دي بشكل يتعدي الخيال والحمد لله
كنت هستأذنك قبل ما اكتب البوست اللى علي مدونتي بالجملة بتاعتك
بس قلت خليها مفاجأة :)
كريم
شاب فقري
يمكن دي من أروع الحاجات اللى شفتها الفترة اللى فاتت
بتعبر عني حبتين
تفاصيلها بتقول كدا :)
ميرسي على اللينكات أولاً
ثانيًا مش محتاج تستأذن المدونة اعتبرها مدونتك :)
إرسال تعليق