إليها:
"عارفة المشكلة فين ؟ .. المشكلة إنك دخلتي دايرة لوحدك وقفلتيها على نفسك... بتدوري حوالين نفسك فيها وبترجعي لنفس النقطة اللي كنتي عندها .. المشكلة إنك مش راضية تخرجي من الدايرة دي .. مش بقيتي شايفة غير تفاصيل الدايرة اللي انتي فيها رغم إن في دواير أكبر من دايرتك بمراحل .. دواير الحياة اللي تعلمك منها هيفوق تعلمك من الكتب اللي بتقريها عشان تهربي لقصص خيالية تلاقي نفسك فيها .. رغم إن دواير الحياة مليانة قصص واقعية وواقعيتها تفوق أي خيال .. صدقيني طول ماانتي قافلة عليكي دايرتك طول ماهمومك هتكبر في عنيكي لكن لو دخلتي في دواير غيرك هتعرفي قد ايه دايرتك دي بهمومها ولا حاجة بالنسبة لهم .. المشكلة إنك ناقصك تعيشي .. "
هناك 17 تعليقًا:
ههههههههههههههههههههه مش عارفة حاسة ان الكلام ليا...ولا انا اللى على راسى باطحة بس لا لا هى انا بعينها هههههههههههههههههه
ناس كتير هتحس الكلام موجه ليها :)
انا مصدقاكي على فكرة :D
دودو
ما شاء الله انتي بتكتبي كتير وانا مش ملاحقة عليكي
:)
الدواير
اقولك حاجة
ساعات بنبقي محتاجين حد ياخدنا من ايدينا ويخرجنا ويساعدنا ويقف جمبنا واحنا بره الدايرة دي خايفين
ولوحدنا مبنعرفش نعمل حاجة
ووبس
مستعدة لتعليق رغاي ؟؟؟
أها
يبقى دا التعليق بتاعي :)
فى ناس لما بتواجه الحياة أو الأشخاص او المواقف بتتصدم أو احيانا بتخاف من اللى ممكن يجري لها لأنها متخيلة انها مصنوعة من قش او من زجاج
عشان كدا فى ناس بتهرب وبتهرب بسرعة وبقوة خيالية ويمكن كمان وهي بتهرب بتسيب كل حاجة وبتخش دايرتها وتقفل على نفسها
الخوف من الحقيقة والمواجهة عمره ما هيوصلك لأي حاجة نهائيا
هيخليك واقف مكانك
هتقعد تفكر شوية
هتحاول تستمر فى حالتك
وفى الآخر هتلاقى نفسك لسه فى نفس المكان لأنك خايف من مواجهة الحياة
احنا بنقع عشان نتعلم ازاى نقف وازاى نكمل ونعيش
مينفعش تفضل حابس نفسك
هييجي عليك وقت تضطر تواجه نفسك وتخرج للحياة وتبطل هروب
وتقول لنفسك هوا ليه انا مخرجتش قبل كدا
استغل الوقت اللى الدواير اللى بتتقاطع مع دايرتك مستعدة تندمج معاك وفيك وبيك
استغل دا
لأنك لو سيبت كل حاجة لبعد كدا
محدش عارف هيجري ايه
مش عارف اقول ايه تاني
بس كلامك كان رسالة موجهة وعجبتني اوى
تحياتي بقى
كريم
شاب فقري
:)
البوست ده فكرنى باغنية قديمة لمحمد منير
دايما الانسان بيبقى مهموم بالحاجة القريبة ليه
و مهما حاول دايما العين بتتشد للشىء القريب منه
عشان كده اللى بره الدايره ممكن يشوف احسن من اللى داخلها
و على راى نهر الحب مش ملاحقين عليكى
هههههههههههههه
تحياتى
فعلاً الإنسان بيلجأ لهذا الفعل أحياناً للهروب فبيجد نفسه أصبح بداخل سجن، سجن نفسه بسلاسل قيد بها نفسه وجعلها تختنق فحرم نفسه من الحياة!
جميل دعاء؛)
أختي الطيبة دعاء ..
الكلمات هنا أقرؤها وأقرأ فيها سطوراً خفيةً ..
لا يحضرني إلا معنىً سمعته من أختي رؤى ..
بأن أي مشكلة نتعرض لها فإن حل هذه المشكلة بأن ننظر إليها نظرةً من أعلى .. وهو كما تعلمين عنوان كتابها .. أسأل الله لك ولها التوفيق والسداد ..
حقيقةً قرأت في عبارتها تلك حكمةً ربما هي أفضل ما أعلق به هنا ..
فبنظرة من اعلى ستكون المشاكل الكبيرة صغيرةً ..
دمت بألف خير .. مع التحية الطيبة ..
دعاء مش جديد عليكي انك تكتب رائع كده
الفكرة عجبتني
وطريقتك في كتابتها عجبتني
ووصلني معني جميل
ريماس اللي اسمها نور :p
ههههههههه واضح كدهون يانور إن مصر كلها على راسها بطحة
البلوج بتشع نور .. عشان نور فيها :)
راء
وأنا فرحانة إنك كنتي هنا على فكرة :)
ساسووووووو
طب وربنا وحشتيني <3
وآيون كده قولي ماشاء الله عشان قركم بدأ يجيب نتيجة :p :p
عندك حق ساعات كتيرة بنحتاج اللي ياخد بإيدينا .. بس فرضًا إن الشخص ده ماجاش أو جيه متأخر هنفضل في مكاننا لغاية مايجي ؟
منوراني بقى :)
شاب فقري
" مصنوعة من قش او من زجاج "
عجبني التشبيه أوي :)
عارف حتى لو اتكسرنا أو اتجرحنا أكيد هنكون أقوى وهنتعلم من كل اللي حصلنا ..
بالظبط زي اللي قاعد في بيته عشان يصلي ويصوم ويعبد ربنا ومش بيحتك بالناس ولا بيصبر على أذاهم لأنه مش قادر حتى ينزل يختبر إيمانه .. في ناس بتعيش حياتها كده .. بتخرج من دايرة هروب عشان تدخل في دايرة هروب تانية وهكذا
منورني كالعادة :)
إبراهيم رزق
يعني في أغنية لمنير وأنا ماأعرفهاش ؟
طب قولي اسمها بقى عشان كده عيب في حقي :(
منورني وسلملي على ساليناز بقى بقينا اصحاب :)
نيللي ..
صح .. خلاصة الحياة هنلاقيها في الآخر زيرو لأننا خفنا نجازف ونتعلم
منوراني :)
ظلالي البيضاء ..
"فبنظرة من اعلى ستكون المشاكل الكبيرة صغيرةً"
حلوة أوي الحكمة دي .. مقتنعة بيها جدًا لأن طول مااحنا جوا الحكاية طول ماهيكون نظرنا ضعيف .. لازم نبعد شوية عشان نقدر نشوف كويس
نورتني :)
شمس النهار ..
منوراني ياشموسة جدًا وسعيدة أوي إن البوست عجبك :)
ما هو زي ما بيقولو"الي ع راسه بطحة يتحسس منها"
و الظار ان ناس كتيييييييييرة عندها بطحة -مثلي-
اه صحيح هو احنا ليه دايما بنشكل دواير على نفسنا.. ليه ما بنبقاش زي وحنا صغيرين لما كان ميهمناش حاجة و نروح وو نيجي ..ازاي جت الدواير دي ازاي بقينا بنبص لمشاكلنا ع انها كبيرة اوي مع انها ما بتستاهلش ابدا ؟
عجبتني التدوينة جدا و عجبتني مدونتك اكـــــــــثر
ودي لك
إرسال تعليق