يعني إيه يكون ليكي أخت أكبر منك ؟
يعني عندك "أم" تانية .. حد بيخاف عليكي وبيهتم بيكي وعايزك تكوني أحسن منه
يعني يكون عندك "صديقة" من دمك .. تحبي تروحي البيت عشان تحكيلها أو تشتكيلها أو ترخمي عليها
يعني يكون عندك حد تشاركيه كل تفصيلة من تفاصيل حياتك .. وتكون هي مخزن أسرارك
يعني تلاقي حد تتخانقي معاه وتخاصميه ولما حد تاني يزعلها .. تكوني انتي أول حد بيرد عليه ..
يعني الداخل بينكم خسران :D
يعني اصحابها فجأة بقوا اصحابك .. واصحابك بقوا اصحابها .. وعقلك بقى أكبر منك لأنك عايشة مرحلتها :)
يعني تلبسي لبسها قبل حتى ما تلبسه هي :D
يعني الأفلام والمسلسلات مالهاش طعم غير بوجودها وتعليقاتها
يعني حد شبهك جدًا في الروح .. حتى لو ملامحكم مش واحدة .. فتتلخبط الناس بينكم
يعني لما تنجحي تبقى هي أول حد تفكري تفرحيه بيكي ..
يعني لما تتجوز .. تحسي إن وطنك اتنقل .. ومهما تمر سنين .. حاسة لسه بفقد وإن البيت فرحته ناقصة ..
يعني بنتها .. بنتك .. فعليًا بتحسي إنها بنتك .. وتحسي إنك بتحبيها من حبك لمامتها اللي هي أختك :)
يعني انتي وبنتها تبقوا اصحاب .. وتتفقوا عليها :D
يعني ....
كفاية كده عشان ماتتغرش .. ربنا ما يحرمني منها <3
هناك 4 تعليقات:
كل كلمة بترسم بسمة كدهون خلتينى احسد البت اختى عليا :)
طـــب اعمل يه انا اعيط و لا اعيط
ولله ذكرتيني ...ما عنديش احت
كان نفسي اعيش اللحظات دووول
يا رب بقى يرزقني بنااات و اخليهم يعيشوها مكاني يا رب هههه
بالمناسبة انا متابغة لمدونتك من زماااااان اوي
ربنا يفرح قلبك دايما و ما ننحرمش من كتاباتك يا رب
هدى
نوووووري :)
آيون يابنتي انتم نعمة أصلاً بس مش تتغروا أوي .. عشان إحنا الصغيرين نعمة برضه :p
منوراني ياهدى :)
تؤ مش تعيطي لأن أوقات لما بنت بتتجوز وتخلف بنوتة فبتكون بنوتتها دي أختها وصحبتها وبنتها .. فإن شاء الله تحسي كل الأحاسيس دي وأكتر منها :)
متابعتك أسعدتني جدًا وتعليقك أسعدني أكتر :)
منورة للمرة التانية ^ـــــــــــــــــــــ^
إرسال تعليق