من الصعب أن تُبعَث ثم يُطالبونك بالموت من جديد ..
أن ترى الدنيا بكل جمالها ثم يريدون منك أن تغمض عينيك لتعيش في الظلام .
هذا ما فعلته سارة بنيلسون .. في شهر.
فقط شهر قلب حياته رأسًا على عقب ثم جاءت في النهاية ووضعت هذه الغمامة على عينيه وتركته.
نوفمبر كان بمثابة الشهر الذي تغير فيه مجرى تاريخ وحياة نيلسون .. وكأنها_وبدون قصد_ دخلت حياته لتتركه عالقًا .. لا يستطيع العودة إلى ما قبلها، ولن يتأقلم مع بُعدها وما بَعدها.
الفكرة في أنه كان لا يعرف ثم عرف، ومن ثمَ لن يستطيع أن يجهل أو يغض الطرف عما عرفه أو تذوقه أو شاهده.
الفكرة أنه "عاش" .. ولن يقدر على "حياة أشبه بالموت من جديد" .. لن يستطيع.
أحيانًا كثيرة يصبح معرفة أشخاص رائعين مثل سارة هو "نقمة" .. لأن برحيلهم لن نعرف مَن نحن ؟ ..أو من أي نقطة ينبغي أن نبدأ ؟!
"Sweet November" من منظور مختلف :D
هناك 10 تعليقات:
انا هشيرها على فكرة علشان حلوة جداااااااااااااااااااااا وانا حاساها جدا
كل سنة وحضرتك طيبة وبألف خير وصحة وسعادة ورضا وراحة بال وسلام وإن شاء الله يكون عام جديد سعيد عليكي وعلى أسرتك الكريمة وتحققين فيه كل ما تتمنين
:)
أطيب تحياتي
أنا جاي أجازة وبصراحة أنا عشت كتير أوي زي البطل دا
وللعلم لما سارة بتمشي بييجي سارة غيرها تحيي الحياة وبتمنح أكتر
الفكرة ذات نفسها فى هتعيش إزاي ومع مين
لو فاضية ممكن أشرحلك
ولا إحنا ورانا إيه :D
بما إني راجع أجازة بقى وناوي أكتب حاجات كتير فلنكتب جزء هنا
الحياة مبتقفش علي حد يا عزيزتي
لا علي سارة ولا علي غيرها
وحتي لو سارة مشيت بعد ما فتحت عيون الواحد عالدنيا وورتنا حاجات حلوة كتيرة
فيكفي إننا عشنا أيام جميلة وفرحنا مع سارة
يكفي إننا شاهدنا بعيوننا ولمسنا روعة فى هذا العالم القمىء
يكفي إن حصل حاجات حلوة
أما تركها للبطل أو حتي لو الناس فارقتنا
فمش هتفرق
الواحد هيعيش وهنعيش وهتستمر الحياة وهييجي سارة غيرها
آفة إبن آدم النسيان
حتي لو منسيناش وقوة قصة الحب كانت جبارة للدرجة اللى تخليها تبقى خالدة فى أذهاننا للعمر كله
فيكفي إننا عشنا شىء بالروعة دي برده
ولو الشىء اللى عشناه حقيقي فمسيره هيكمل
ولو مكملش يبقى مكانش حقيقي وميستاهلش
الموضوع بسيط
لكن التدقيق والمبالغة والحبس للنفس جوا إطار واحد ممكن يقتلنا وبكل سهولة
فى دايما أكتر
وبالنسبة بقى لقصة سارة
فعلي فكرة
سارة بتمشي بتيجي غيرها سارة أخري لشهر جديد
هي مسألة أزمنة وفترات وكل واحد عارف دوره لحد إمتي وماشي فى الطريق لحد فين
ودا مش لعب ولا تسلية ولا فراغ
ولكن رغبة فى عدم الإرتباط بحد أو التعلق بحد
ورغبة فى الحياة بدون وجع لأن كل شىء بيكون واضح من اللحظة الأولي
الحياة مبتقفش علي حد يا عزيزتي
بس كدا ...
وفى كل الأحوال سارة بتمشي كسبانة
وبتيجي فترة وحدة بتبقى صعبة شوية بس الدنيا بتمشي عادي يعني
تحياتي
كل أجازة وكل سنة وانتى طيبة
شاب فقري :)
https://www.youtube.com/watch?v=mxNbSfNNtkg
هدية بمناسبة الأجازة وبمناسبة عيد ميلادي
Have fun :)
كثيرون هم من يدخلون الحياة ليزيدوها تعقيدا لنا وليس لهم..ثم يرحلون..ولكن في رحيلهم راحة لنا ..تشعرين بتشتيت ولكن سرعان ماتعوديني كما قبل..والحياة مستمرة!
تحياتي دعاء:)
مش بتسألي :(
آهو ردي عليكي ناو .. هيخليني أحس قد ايه أنا مقصرة مع مدنتي :D
اتشيرت وحمضت أنا عارفة :D :D
وانت طيب وبخير يارب :)
منور المدونة ^ــــــــــــــــ^
كريم :)
منور البلوجاية جدًا :)
فكرتني بقى بجملة مش فاكرة لمين "Don't cry because it's over, smile because it happened"
الفكرة اني كنت لما بشوف الفيلم ده زمان كانوا بيصعبوا عليا الاتنين .. دلوقتي بيصعب عليا نيلسون وبقيت متغاظة من سارة :D
ليه تدخل حياته وتعلقه بيها لما هي عارفة انها مش هتكمل
بس هرجع وااكد وجهة نظرك ووجهة نظر باولو
"When someone leaves, it's because someone else is about to arrive"
سارة مشت هتيجي سارة غيرها .. وبين سارة وسارة تانية وجع ووحدة .. لكن كل ده هيتنسي لما سارة تانية تيجي :)
طب هو أنا اللي كان مفروض أجيب الهدية .. بتحرجني ياكريم :(
كل سنة وانت طيب وبخير .. والسنة الجاية تكون خلصت جيشك وبقيت فررررررررري وتبدأ تحقق في قايمة أحلامك :)
استمتعت بالسونجاية ^ـــــــــــــ^
نيللي :)
عندك حق يانونا .. "وتستمر الحياة"
بينا من غيرنا هتستمر .. وبيهم من غيرهم هتستمر :)
ــــــــــــــــــــ
طب هو انا عارفة اني مقصرة ومش بسأل وعايزة الضرب بس عارفة انك قلبك طيوب وهتسامحيني :*
إرسال تعليق