أحيانًا لما بتتكسر حاجة جوانا .. عشان نصلحها بنكسر حاجات تانية كتيرة .. بنغلط في حق نفسنا قبل غيرنا .. ونلاقي نفسنا في الآخر بنسأل : إحنا إزاي عملنا كده ؟
ــــــــــــــــــــ
.jpg)
نحن مغرورون .. لنتخيل لوهلة أننا لا نُنسى ..
وأنانيون لنتمنى ألا نُنسى ..
فتصدمنا الحياة وتعلمنا أن كل شيء وكل شخص يومًا ما سيُنسى
ــــــــــــــــــــــــــــــــ
كانت تعلم جيدًا أنه ينبغي عليها ألا تجعل أحدًا محور كونها ..
وتعلم جيدًا ان الفقد إحدى النهايات المحتملة ..
تعلم ذلك علم اليقين ...
ومع ذلك ..
تناست كل ما تعرفه .. وأصبح هو محور حياتها ...
فاستيقظت يومًا ما ولم تجده وحينها اختفى الكون ..
ـــــــــــــــــــــ
"الكلمة إذا لم تنطق بها أنت تملكها .. فإذا نطقت بها فهي تملكك"
تؤ مش صح ومش دايمًا الكلام لما بننطقه بيملكنا .. لأن في كلام لو قلناه بيحررنا .. وسجننا وقتها بيكون سكوتنا
ببساطة .. ساعات بتكون الجريمة الكاملة في كلام ماقولناهوش
هناك 18 تعليقًا:
صدقيني انا عندي ايمان -ويارب ميتحولش ليوم لشك- بأننا أد ما غلطنا واختارينا غلط وظلمنا نفسنا فكل دا يقدر يتصلح ... بمجرد محسينا بمقدار ظلما لنفسنا وازاي وجعناها فنقدر نبتدي من جديد ... وقتها بجد هنقدر نختار صح ونعوض كل اللي فات وهنبقى أنضج وأقوى
===
اتصدمت الصدمة دي :P
===
وبعد عدّة سنين ... استيقظت لتجد زوجها بجوارها ... ابتسمت لأنه كان من يراها الجزء الأكبر من كونه ... وهي كذلك ...
فقط علّمها درسها ... أن تتعلم وضع الناس في الأماكن المناسبة ...
===
بتفق معاكي جدااً ... أنا بشجع أوي على الصراحة التامة ومنخليش حواجز ... فكدا بس العلاقات تقدر تقاوم متغيرات الزمن وتستمر
===
استمتعت أوي بتواجدي هنا
نحن مغرورون .. لنتخيل لوهلة أننا لا نُنسى ..
وأنانيون لنتمنى ألا نُنسى ..
فتصدمنا الحياة وتعلمنا أن كل شيء وكل شخص يومًا ما سيُنسى
كل البوست رائع..بس دي أكتر حاجة لمستني يمكن لأني كنتي فكره كنت من فترة بسيطة أوي:)
جميلة دعاء..ومتغبيش عننا كتيركدا:)
حمدا لله بالسلامة يا دعاء
دا مبدئيا
:)
انا ليا تعليق علي كل صورة وسطر
وسيكون مضيعة للتعليق إني أكتب التعليق وأنا مصدع للدرجة دى ودماغي هتنفجر من الصداع ولسه اليوم بيبتدي كمان
ولذلك هفكر فى الكومنت والبوست فترة أطول وأرد
بس لازم أسجل حضوري
وهجيبلك صورة واحدة بس مبدئياً ...
كرد مبدئى
http://shab-f2ry.tumblr.com/post/49094808720
معرفتش أرفعها عالفيس فرفعتها عالتمبلر
وإنتظري ردي يا عزيزتي
كوني بخير إلي ذلك الحين
شاب فقري
عندك حق جدا
انا ليه عملت كدة ؟!!!
.....................
أنا نسيت فهل تعتقدى أنى يوما سأنسى :))
.......................
عجبتنى قوى كلمة اختفى الكون دى
....................
يا ريت نقدر نتكلم
أحسنتى
تحياتى المعطرة
صباح الخير
إنتهي الأمس بصداعه بمشاويره بكل حاجة
وجه وقت التعليق
****
أحيانًا لما بتتكسر حاجة جوانا .. عشان نصلحها بنكسر حاجات تانية كتيرة .. بنغلط في حق نفسنا قبل غيرنا .. ونلاقي نفسنا في الآخر بنسأل : إحنا إزاي عملنا كده ؟
***
فكرة إن الواحد يعمل حاجة جواه عشان يكسر حاجات تانية
الفكرة نفسها قايمة علي الغلط
أنا نفذتها مليون مرة تقريبا
ويمكن أكون من المؤسسين للفكرة صراحة
إجابة السؤال إن الألم والخوف والحب من أعظم الدوافع فى الوجود
اللى يمتلك أي جانب منهم يقدر يعمل أى حاجة
ويمكن دا الخطر
إن الواحد بعدها بيحس إنه غريب عن نفسه وإن دا مش أنا
لكن الحل اللى إكتشفته فى الآخر بعيد بعد تام عن أي حاجة غلط
بس دا ميمنعش الواحد يعمل حاجات كتير غلط
بس من باب انه بيحب كدا مش من باب انه ينسي
لأن أحيانا بيكون الواحد نسي خلاص
المهم إن الأسلوب دا هيوصل للغربة
دي مشكلته
لو مش هتقدري تتعاملى مع الفكرة
متقربيلهاش
نصيحة
لأن الجملة المكتوبة هي مجرد البداية
****
ردي عالجزء التاني فى البوست هي الصورة اللى نشرتها لك إمبارح فى الكومنت :
آمن بأنك ستنسي أكثر مما تتمني
ودا فعلا هيحصل
بس الواحد بيكابر
أنا عن نفسي لسه لحد دلوقتى مفيش حاجة ولا اى موقف فى حياتي نسيته
ذاكرتي فولاذية حبتين
بس مش معني إني فاكر الموقف إنه يوجعني أو يهمني أو يدايقني ولو واحد فى الميه
يمكن المقصود بالنسيان ان الواحد يبطل يحس باى حاجة تجاه الموقف
ودا اكيد اللى بيحصلى انما الحدث ذات نفسه موجود فى احد اركان الذاكرة
***
الجزء التالت :
أحبب من شئت فإنك مفارقه
طالما أنا كدا كدا هفارق الناس
يبقى أحب اللى انا عايزه بقى
اركز فى الشطر الاولاني من العبارة
بس فى نفس الوقت نقطة الوجود كله معادتش تنفع يا دعاء
يمكن مفيش حد بيفهم الجملة دي
يمكن الناس أغبيا أو فهمهم محدود أو مش بيحاولوا يحسوا كل حاجة
ولكن
القطة دي معادتش تنفع
يمكن لما بقعد مع حد واحكي له علي كل الحاجات اللى انا مرتبها والناس اللى عامل حسابهم فى دماغي كبدائل أو أو أو
الناس بتستغرب امال انته ازاى كنت بتحب :D
لانى مهما حاولت اتمسك باللى قدامي
ممكن يكون اللى قدامي ميستحقش أو ميستاهلش كل العناء دا أو فى الاصل شخص وهيروح لحاله
فانا دايما مرتب نفسي علي فكرة الوحدة والعزلة وعامل حسابي لما حد يروح إيه اللى يجري
جالى فترة لخبطت نفسي وغيرت مبادئي وبطلت اعمل اللى قلته فوق من بدائل
ويمكن دى اكتر فترة تعبت فيها
لكن كل حاجة رجعت تمام تاني والحمد لله
لما عملت كام حاجة كدا :)
*****
الجزء الأخير :
" ببساطة .. ساعات بتكون الجريمة الكاملة في كلام ماقولناهوش "
أتفق معاكي جدا يا دعاء
ولذلك أنا مش بدي لنفسي فرصة لإرتكاب جريمة الوداع أو الصمت
بقول وبتكلم حتي لو هكرر كلامي
عشان ملومش نفسي فى يوم علي إني سكوتي كان السبب فى رحيل حد
بقول كل اللى جوايا وبكرره كمان
الحمد لله علي دا
صحيح ببقى عارف ان اللى بقوله مش هيغير حاجة او مفيش حاجة هتتعدل بس برده أنا ملزم تجاه نفسي بإني أتكلم
مينفعش أسكت
***
ثقي أن كل شىء سيكون بخير
آمني بذلك :)
ومتختفيش تاني
تحياتى وكدهون بقى
شاب فقري :)
اولا اعتذر عن العدم المتابعة لفترة طويلة - ولكن لكل عذره
ثانيا البوست بيقول حاجات كتير وافكار اكتر واللي يقراه اكتر من مرة يحس ان في كل مرة في حاجات كتيرة اعمق
الشيخ متولي الشعراوي الله يرحمه قال افضل الاشياء تلك التي حدثت لك واسوءها تلك التي ابعدها الله عنك
تحياتي لقلمك ولفكرك - واعتذر عن الغياب مرة اخري
تقبلي مروري
سندباد
أحيانًا لما بتتكسر حاجة جوانا .. عشان نصلحها بنكسر حاجات تانية كتيرة .. بنغلط في حق نفسنا قبل غيرنا .. ونلاقي نفسنا في الآخر بنسأل : إحنا إزاي عملنا كده ؟
بتحصل فعلا وبتتكرر وهتتكرر ببساطة لاننا بشرين تعلمنا من اخطأنا قليل والدنيا بتسرقنا كتير مها ادعنا التمسك بغيرها احنا اللى بنكسر واحنا اللى بتوجع واحنا اللى بنسأل واحنا اللى بنكرر الفعل مع الوقت :)
نحن مغرورون .. لنتخيل لوهلة أننا لا نُنسى ..
وأنانيون لنتمنى ألا نُنسى ..
فتصدمنا الحياة وتعلمنا أن كل شيء وكل شخص يومًا ما سيُنسى
دا بيكمل التكسير اللى كسرنه فوق غبئنا فى التكرار هو هو غرورنا لما كل حد بيتخيل انه صنع اسطورة الحفر فى الذاكرة ههههههههههه بلهاء احنا على فكرة ماحدش بيحفر فى ذاكرة حد صاحب الذاكرة بس هو القادر يخلى مين ويرمى منها مين
كانت تعلم جيدًا أنه ينبغي عليها ألا تجعل أحدًا محور كونها ..
وتعلم جيدًا ان الفقد إحدى النهايات المحتملة ..
تعلم ذلك علم اليقين ...
ومع ذلك ..
تناست كل ما تعرفه .. وأصبح هو محور حياتها ...
فاستيقظت يومًا ما ولم تجده وحينها اختفى الكون ..
عزيزتى هو دا الساحر الابيض اللى بتتساقط اؤدامه كل المبادىء مشكلته انه زى النور زى مابيجى زى مابيختفى ولا زم يختفى لان الدوام بس لله
ونكمل التكسير اللى فوق ونقول انها هتكرر دا تانى علشان نكمل تكسير
لأن في كلام لو قلناه بيحررنا .. وسجننا وقتها بيكون سكوتنا
بس خلاص :) عجبنى اوى البوست صباحك فل من غير تكسير
"إحنا إزاي عملنا كده ؟"....سؤال كان لسه على بالى
"وحينها اختفى الكون " الكون موجود ولكن اختفى شء بداخلنا
عندما نفضض بالكلام تكون جريمة وعندما نخفى الكلام تكون جريمة ولكن نميل للصمت لنخفى الكلام لعل الجريمة ايضا تختفى .. وهذه طبيعتنا
تحياتى
أن في كلام لو قلناه بيحررنا .. وسجننا وقتها بيكون سكوتنا
صح قوى قوى قوى قوى
كثيرا ما تكون كلماتنا قبرنا
سواء تحدثنا بها
أو صمتنا عنها
تحياتى دوما
وكل سنة والكل فى عيد :)
زينب علي ..
"من لا يخطيء لا يفعل شيء" .. مؤمنة أنا كمان جدًا بده :)
ـــــــــــ
إن شاء الله تكون آخر الصدمات وعلى فكرة كلنا هذا الرجل :)
ــــــــــ
"فقط علّمها درسها ... أن تتعلم وضع الناس في الأماكن المناسبة ..."
عجبني أوي تعليقك على الجزء ده .. ممكن وقتها هي مكنتش فاهمة ده .. بس هتفهمه بعدين :)
ــــــــــــ
الصراحة مريحة بس في أوقات تانية بتكون واجب لأن السكوت وقتها جريمة
ـــــــــــــ
منوراني جدًا يازينب ^ـــــــ^
نيللي :)
شكلنا كلنا كنا مفكرين كده يانيللي
حاضر هحاول مش أغيب تاني :)
كريم (شاب فقري)
الله يسلمك :)
توصلت للحقيقة دي قريب .. مكنتش أعرف بس عرفت وآمنت :)
p.s: التمبلر بتاعك حلو ^ــــ^
مسلم مصري
ليه ؟ .. لأننا بشر فطبيعي إننا نغلط .. بس المهم مش نتمادى :)
ـــــــــــــ
أعتقد أن كل شيء وكل شخص يومًا ما سيُنسى
ــــــــــــــ
سعيدة إنها عجبتك :)
ــــــــــ
كل حاجة ممكنة .. بس المهم الإرادة .. لو قررنا نتكلم هنتكلم
ـــــــــــــــ
سعيدة بزيارتك .. دمت بكل الخير :)
كريم (شاب فقري)
المشكلة فعلاً في الغربة .. اللي بتنتج من النوعية دي من الأخطاء .. المشكلة مش في إنها أخطاء .. المشكلة فعلاً إنها أخطاء بس مش بتاعتنا لأننا مش كنا احنا وقتها .. زيها بالظبط زي حاجات صح بنعملها عشان نرضي الناس .. الاتنين بيسيبوا نفس ذات الغربة مع الفرق إن ده صح وده غلط .. بس الاتنين مش إحنا
ـــــــــــــــــــــــ
"بس مش معني إني فاكر الموقف إنه يوجعني أو يهمني أو يدايقني ولو واحد فى الميه"
انت قلت المختصر المفيد .. الأحداث نفسها هنفتكرها لكن إحساسنا بيها أكيد أكيد هيتغير وفي أحيان هيختفي تمامًا
ـــــــــــــــــــــــ
"فانا دايما مرتب نفسي علي فكرة الوحدة والعزلة وعامل حسابي لما حد يروح إيه اللى يجري"
مش دايمًا نقدر نعمل كده .. كتير بنحط قواعد بس في لحظة بتتهد كل القواعد دي وبنتعود على وجود شخص ما دايمًا في حياتنا .. ووقتها بنخاف من "فإنك مفارقه" :(
ــــــــــــــــــــــــــ
عندك حق تكرار الكلام أفضل من إننا نتسجن جوا سجن صنعناه بإيدينا إسمه "الصمت"
ــــــــــــــ
حاضر مش هختفي تاني :)
سندباد
مش محتاج تعتذر لأن أنا كمان مدينة لك باعتذار .. بقالي فترة طويلة مش بتابع ولا حتى بكتب .. ده غير إن كل ما أملك من اكونتات اتسرقت .. فأنا مقدرة لأني أصلاً بقالي فترة مش موجودة :)
"افضل الاشياء تلك التي حدثت لك واسوءها تلك التي ابعدها الله عنك"
الله بجد على المقولة دي .. ربنا يرحمه
منورني جدًا .. وسعيدة بزيارتك :)
richardCatheart30
تمام .. وهو البني آدم إيه غير شوية غلطات بيحاول يصلحها أو يتعلم منها أو يتجنبها فيما بعد :D
ـــــــــــــــــ
إحنا مغرورين عشان بنفكر إننا بنحفر في حجر .. وبنكتشف إننا حفرنا في رمل :(
ـــــــــــــــــ
ممكن تكررها وممكن تتعلم .. وتعرف تحط مين في أي مكان زي ماقالت زينب في أول كومنت
ـــــــــــــ
منورني ... وسعيدة إن البوست عجبك :)
well30
"عندما نفضض بالكلام تكون جريمة وعندما نخفى الكلام تكون جريمة"
الصح بقى إننا نعرف إمتى نتكلم وإمتى نسكت .. عشان ما نغلطش في حق نفسنا أو غيرنا
نورتني :)
الأزهري ..
"كثيرا ما تكون كلماتنا قبرنا
سواء تحدثنا بها
أو صمتنا عنها"
عجبتني أوي الجملة دي :)
وانت والكل في عيد :)
نورتني ^ــــ^
إرسال تعليق