حبيبة .. لما بتكون معايا أو مع مامتها مش بتخاف من القطة .. مش بتخاف من حاجة أصلاً .. بالعكس بتحب القطة وتروح هي تشاكسها .. بتستقوى بينا فمش بيهمها حاجة
أما بتكون لوحدها ..
أول ماتشوف القطة بتجري علينا مفزوعة وعندها هستيرية عياط ..
اللي اكتشفته بقى إن مش حبيبة بس اللي كده ..
ياعزيزي كلنا حبيبة بشكل أو بآخر .. كلنا محتاجين حد نحس معاه بالأمان وإحنا بنواجه الدنيا بكل ما فيها ..
محتاجين حد نستقوى بيه على مشاكلنا .. حد يقولنا إنه مهما حصل هو هنا وإن كل حاجة هتكون كويسة ..
محتاجين حد مانخافش واحنا معاه من أي قطط ..
بس المشكلة إن الحد ده لما بيغيب بنضطر نكون لوحدنا وساعتها أي حاجة حتى لو قطة ممكن ترعبنا ..
يمكن محتاجين منه يعلمنا إزاي لما يختفي نقدر نواجه أي حاجة من غيره ؟ ..
أو يمكن محتاجين نكبر ؟ ..
يمكن لسه مكبرناش كفاية عشان نقدر نتعامل مع الدنيا من غير "حماية" أو "سند" .. يمكن محتاجين نكبر عشان نعرف نواجه الدنيا فيس تو فيس من غير حاجز أو وسيط ..
يمكن ..
هناك 8 تعليقات:
الأخت الطيبة دعاء ..
ظروف الحياة التي نحياها هي من يضعنا في مواطن الأشخاص الذين يحتاجون لمن يساندهم ويمسح دموعهم ويربت على أكتافهم ويسمع فضفضة قلوبهم ويشير عليهم بالنصيحة ويشعرهم وجوده بالأمان والطمأنينة ..
أو تضعنا في مواطن الأشخاص الذين يقدمون تلك المساندة ويمسحون تلك الدموع ويربتون على هاتيك الأكتاف ويستمع إلى الفضفضة ويشيرون بالنصيحة للآخرين ويشعرونهم بالأمان ..
وبرغم أن ظروف الحياة وضعتني في الصنف الثاني .. لكنني كثيراً ما أشعر بحاجتي لأن أكون في الصنف الأول وأجد من يساندني .. ويمسح دمعتي ..
فكلنا نقف في لحظات بين هذا الصنف وذاك ..
قسوة الحياة هي الكفيلة بأن تعلم .. أو تحطم ..
حرصت على أن أتعلم منها .. فاحرصي على أن لا تتحطمي على صخورها ..
دمت بألف ألف خير ..
السلام عليكم
محسوس كلامك وفعلا كلنا حبيبه
لكن حاجتنا للاحساس بالامان والحماية هيفضل موجود مهما كبرنا
كل اللى بيختلف اننا لما بنكبر بنبطل نشكى ونبطل نظهر خوفنا
وكل ما بنسكت الخوف جوانا بيكبر
دمت بخير
الخوف احساس غريزى فى كل انسان
يزداد فى اوقات محدده وأجواء محدده
عندما يكون وحيدا
ولكن عند تواجد شخصين فى مكان مخيف
يكونوا اكثر طمأنينه حتى وان اعلن أحدهم الخوف
وطمأنه الأخر الذى يخفى خوفه الشديد
لو لم يكن من المجهول
ولو لم يكن عليه
فهو على صديقه .. او حبيبه
وحد الخالق عز وجل من يستطيع ان يؤنس وحدتنا
ويزيل الخوف من قلوبنا
بتمنالك التوفيق دائما
مهما حاولنا ومهما كبرنا دايماً هنحتاج حضن يضمنا ويحسسنا بالأمان..
جميلة دعاء:)
ظلالي البيضاء ...
"فكلنا نقف في لحظات بين هذا الصنف وذاك ..
قسوة الحياة هي الكفيلة بأن تعلم .. أو تحطم .."
عندك حق يااستاذ محمد .. نورتني :)
رؤى ..
وعليكم السلام
مهما كبرنا .. هتفضل حبيبة بخوفها وحاجتها للأمان جوانا .. الفرق فعلاً إننا بنحاول نداري الخوف ده
سعيدة بوجودك :)
توفيق جمال
الأحاسيس السلبية عامة بتزداد مع الوحدة :(
سعيدة بزيارتك الأولى :)
نيللي ..
انتي اللي عنيكي جميلة .. منوراني <3
إرسال تعليق