الكلمات بترسم وشوش البني آدمين .. كل كلمة بترسم معاها وش وروح الكاتب اللي بتقراله .. الرائع بقى لما تلاقي اللي رسمته نفس الل لقيته والناس شبه أقلامها للدرجة دي .. عن النهاردة أتحدث :)
النهاردة يوم تاريخي ولا ينسى بكل المقاييس مش عشان حفل توقيع كتاب معطف من قيود بس .. لاء عشان شوفت ناس كان نفسي أشوفهم فيس تو فيس
شمس النهار: هي فعلاً شموسة بحضورها ودفاها واحتواءها وتشجيعها .. حسيتها فعلاً "شمس"
شيرين سامي: هي "فراشة" تلقائية وبسيطة وجميلة بحضورها زي كتابتها بالظبط :)
نور: فرحت جدًا لما شوفتها لأنها كانت محسساني اننا نشوف بعض ده من "المستحيلات" .. نور بقى هي نور بخفة دمها وحضورها اللي بيضفي بهجة على المكان :)
إبراهيم رزق: كالعادة بيجمع كل الناس حواليه ، بيقدر يهتم بالكل في نفس الوقت .. ده غير الأميرة ساليناز وزياد اللي مش واخد حقه في البيت ده :D
صابر عبدالقادر: إنسان محترم جدًا وأسرته جميلة ماقدرناش نتكلم كتير ، بس تتعوض ان شاء الله :)
محمد السيد: سعيدة جدًا اني اتعرفت عليه وبرضه ملحقناش نتكلم كتير واكيد تتعوض :)
رامي: بشوش جدًا ، تحس انك تعرفه من زمان رغم إن دي اول مرة بشوفه
أسامة الازهري: تحس انه ابن بلد و "جدع"
غادة محسن: بحبك اوي ياغادة وجودك بيبهجني :)
لبنى أحمد: فرحت اني شوفتك رغم اننا ماتفقناش على ده والصدفة دي كانت أحلى ما في اليوم :)
د/هيثم: إنسان مثقف جدًا وسعدت جدًا بالمناقشة معاه :)
أما اللي كنت اتمنى وجودهم معانا (دكتور مصطفى سيف/نسرين شرباتي/نيسان ) .. كانوا موجودين بكتاباتهم وروحهم، حتى لو الظروف منعت ده
أما أصحابي بقى اللي هما أصلاً اخوات مش أصحاب:
سارة درويش/منى درويش/رضوى طارق/أماني صابر/أميرة صابر/بسمة حماد : مش محتاجة أقول أنا بحبكم قد ايه :) .. ربنا ما يحرمني من وجودكم أبدًا <3
الناس بقى اللي شوفتهم بالصدفة ومكنتش اعرف اني هقابلهم وفرحت اوي لما اتعرفت عليهم (رحاب صالح/وفاء شلبي/جوجو/أستاذ خالد زين/منى هيكل)
بجد شكرًا على اليوم ده ^ـــــــــــــــــ^
ـــــــــــــــــــــــــــــــــــــــــــــ
رغم الإرهاق والسفر والتعب كان لازم أسجل هنا اليوم ده :)
هناك 11 تعليقًا:
كان يوم من ايام العمر التي لاتنسي كنت فرحانه بيكم وليكم ومعاكم :)
ربنا يبارك فيكم ويجمعنا دايما في الخير يارب
الحمدلله وانا كنت معاكم بروحي :)
الف مبروك لنا كلنا ومباركه جهودك يا دعاء ...تعبناكي كتير معانا في الكتاب انتي و نووور و عقبال مزيد من الكتب والنجاح بإذن الله.
كان نفسى جدا اشوف الناس اللى مش شفتهم وخصوصا سارة درويييش..
نفس احساسى بيهم يا دعاء انا حسيتهم زى ماكتبتى جدا
انا فرحانة اوى انى شفتك المستحيل اتحقق اهون :)
فعلا كان نفسنا سيف يبقى موجود لكن ملحوقة
و الحلم الحقيقى يارب يتحقق
نيساان و نسرينا
لكن اليوم كان جميل بيكم
انا الي بجد فرحت اووي لما شوفتك
سعيدة جداا اني اتعرفت عليك فيس توفيس بعد بلوجر
انت تلقائية ولذيذة جداااا
لذيذة دي مش بتتقال لأي حد لان الحاجة الذيذة مش اي حد يقدرها
وانت كدة حد لذيذ بجد:)
انتى كمان روحك حلوة ولذيذة جدا يا دعاء واكيد مش هتبقى اخر مرة نقابل بعض :)
مبروك عليكي وعلينا كلنا - ودايما من نجاح لنجاح
سندباد
امجد
جد كنت حيصانة ومتحرئصة كتييييييير.. نفسي أكون موجودة معكم :)
فاكرك يا ناسيني هههههههههههه
و انا سعيدة اني شوفتك يا دعاء
ألف مبروك يادعاء..كان نفسي أكون معكِ ولكن تتعوض إن شاء الله:)
اجمل احساس ....هو احساسك بمن حولك....تقديرك لهم ....رؤيتك لقلوبهم قبل وجههم ...وأجمل نعمه هى نعمه قدرتك على التعبير عن هذا الأحساس....اللهم ديم عليكى نعمه صياغه الكلمات
إرسال تعليق