دايمن وجع ايلينا.. وجعها رغم انه بيحبها ..السؤال بقى .. ليه بنوجع بعض وممكن نأذي بعض وأحيانا بتعمد ؟ أو بالأحرى ازاي ؟ .. ازاي بنقدر نخذل حد كنا ملاذه الآمن من الحياة ؟... ازاي بيجيلنا قلب نغرب حد كنا احنا وطنه ؟ .. ازاي بنعرف نكون مية نار لحد كان بيعتبرنا بلسمه ... وازاي ممكن أصلا يكون في علاقة طردية بين الحب والوجع ؟ .. أنا مش عارفة ايلينا هتسامح دايمن ولا لاء ... الأهم دايمن هيقدر يسامح نفسه ولا لاء !؟
# "The vampire diaries"
------------
الذنب مش ذنب اللي ساكن قصادك يانجاة .. الذنب ذنبك انتي لأنك دخلتي نفسك في وهم وسيبتيه يمتص روحك ... روحك اللي بدأت تنسحب منك واحدة واحدة لغاية مافوقتي على صوت فرحه .. لو هتلومي حد ..لومي نفسك .. لأنها الوحيدة المسؤولة عن مأساتك
أصل ماينفعش تكوني عارفة إن في عاصفة بره وتفتحيلها الباب وتسيبي البرد ينخور في كل عضمة من جسمك .. وف الآخر تلومي العاصفة
ياعزيزتي ... اللي فتح الباب يقفله
# تهييس بعد السرحان مع "ساكن قصادي"في المواصلات :D
--------------------------------
قالتلي : بس حرام عليه هو كده بيظلمها
فقولت: لا .... هي اللي بتظلم نفسها لأنها سمحت له إنه يظلمها
هناك 8 تعليقات:
ماااالك يادودو مالك :)
:)
مش عارفة ارد
ساعات اللى بيحب بيجرح وهو معتمد على رصيده وساعات بيفتكر انه عارف مصلحة حبيبه وساعات بدون سبب مجرد غباء وفى نظرى كلهم غباء
"هي اللي بتظلم نفسها لأنها سمحت له إنه يظلمها"
هو ده
الحب ده ليه فلسفه خاصه صعب اننا نفهمها
تحياتى ليكى ولقلمك
عجبتنى جدا مدونتك
اتمتى التواصل
كويسة والله كويسة :)
تصدقي فعلاً يانوري هو ياغباء ياغباء .. مفيش تفسير تاني :D
:)
نورت البلوجاية :)
سعيدة إنها عجبتك .. ويشرفني التواصل :)
إرسال تعليق