عن سارة اللي مش بتحب تتكلم عن نفسها وتوهان السنين :P
عن عصير المانجة والقصب وعصير البطيخ واللب والبرقوق وضحك السنين
عن جوجووو .. اللي هي توأم بيبا 3> 3>
عن الناس اللي مستغربين سارو :P
عن الصور اللي في كل مرة كنت بطلع فيها مغمضة
عن رودي اللي غلسنا عليها وصحيناها من الحلم الحلو :p
عن رقم العربية اللي أخدناه وشغل الساسبينس
عن الست اللي قعدت تسرح شعرها جنبي في المواصلات :O
عن إن النهاردة يوم مش هنساه أبدًا ..
بحبيكي ياسارو وكدهون 3> 3>
"كان"
أكره هذا الفعل، بل أكره أخواته أيضًا، ليس لأنني كنت أكره النحو، "أبسولوتلي" .. بل كنت من عشاقه
لكنني أكرهها لأنها ماضي، وأنا أكره أي ماضي تعيسًا كان أو سعيدًا، وللدقة أكرهه أكثر حينما يكون سعيدًا لأنه لم يعد سوى "ذكرى"، "كان" تعني أن الشيء الذي نتحدث عنه قد مات بشكل أو بآخر، تذكرنا بعجزنا لأننا غير قادرين على استعادة اللحظة، فتأخذنا بدورها للندم على ما كان ينبغي فعله ولم نستطع، أو تأخذنا إلى الألم حيث ما "كان" يسعدنا قد انتهى ..
لكننا إن استسلمنا لهذه الـ "كان" ياعزيزي سننسى أمر "الآن"، وستسيطر علينا حتى يصبح "الآن" هو "كان" بدوره، ستسرق عمرنا لتجعلنا لا نفكر سوى بها
لذا ...
عزيزتي الـ "كان" .. كنت أحبك قديمًا حينما "كان" دورك يقتصر فقط على رفع المبتدأ ونصب الخبر، ولم يختلط علي أمرك كما فعل الكثير معك وتشتت بينك وبين غريمتك "إن"ـ أريدك أن تتذكري هذاـ لكن اليوم فلتغربي عن وجهي رجاءً ولتذهبي إلى الجحيم لأنني لست مبتدءًا أو خبرًا لتتصرفين فيه كيفما تشائين !
بحب سورة "عَبَسَ" أوي .. بحس قد إيه ربنا أكتر حد بيحس بينا .. وأكتر حد عارف إيه اللي جوانا .. عارف مقدار إخلاصنا فبيجازينا عليه .. وكمان بيعجبني جدًا العتاب الرقيق من ربنا لسيدنا محمد
وبحب سورة "الضحى" ... دايمًا بسميها "طبطبة"
بحس ربنا بيطبطب علينا فيها .. لما الدنيا بتضيق عليا أوي بقولها وبرددها "ما ودعك ربك وما قلى"
وبعدها بفتكر كل اللي مريت بيه قبل كده وربنا خرجني منه ووقف جنبي ورجعلي إيماني بنفسي في وقت كان ممكن أفقد فيه إيماني بكل حاجة، بفتكر كل النعم اللي ربنا منحهالي، وكل اللي ربنا اخده مني عشان يعوضني بحاجة أحسن .. ساعتها بقرا سورة "الشرح" وأنا عندي يقين إن زي كل ماللي فات مر وعدى بسلام .. ده كمان هيعدي " فإن مع العسر يسرا إن مع العسر يسرا"
ربنا .. أنا بحبك .. بحبك عشان حاجات كتيرة أوي .. وعشان إنت دايمًا هنا وموجود
بحبك رغم إني مقصرة .. ومقصرة جدًا بس دايمًا عارفة إنك بتسامحني لأنك ربنا ولأننا بشر :)
آه ياربنا كمان نسيت أقولك شكرًا على النهاردة .. من زمان مش عشت يوم كده <3 <3
"القاعدة الثابتة والمطلقة في الحياة أن كل شيء يتغير"
هذا ما توصلت إليه مؤخرًا ... لذا لا تتعحب عندما تصبح "لا شيء" في حياة شخص كنت لديه "كل شيء"
لا تتعجب عندما تمر الشهور دون أن تتحدث لمن كان أول شخص تحادثه حينما تستيقظ
لا تتعجب عنما تهجر وتزهد فيما كنت تدمنه .. وتعتاد ما كنت تكرهه
لا تتعجب عندما يأتي لك ما كنت تحارب لأجله .. فتدير له ظهرك لأنك لم تعد تتمناه
ولا تقل يومًا .. " لن أفعل هذا مطلقًا أو لن يحدث هذا أبدًا" .. لأن الأبد ليس ملكك .. وغدًا لن تعرف من ستكون أو ماذا ستريد، فربما ما أردته اليوم بشدة .. لن يعني لك شيئًا يومًا ما .. لن يعني لك شيئًا على الإطلاق .. لذا لا تعد بما لا تعرف .. فكل ما تملكه اللحظة التي تعيشها
ولأنه ببساطة ..
هذه هي الحياة ياعزيزي ..
كل شيء يتغير ... حتى أنت .. وحتى هم
دايمًا لما بتيجي وتمشي بتسيبي فراغ كبير أوووي ..
من قمة "الدوشة" لـ قمة "الصمت"
ومن قمة "الوَنس" لـ قمة "الوحدة"
ومن الضحك بصوت عالي .. لضحكاية بهتانة ملهاش طعم
في كل مرة بتيجي وتمشي .. بحس قد إيه البيت فاضي .. وإني "alone" جدًا من غيرك
ومع ذلك بستنى كل مرة تيجي فيها .. وبخاف من كل مرة نقول فيها "سلام"
